Ааспыт сууккаҕа Саха сирин үрдүнэн 5 ойуур баһаара умуруоруллубутун туһунан СӨ Бырабыыталыстыбатын бэрэссэдээтэлин 1-кы солбуйааччы Дмитрий Садовников иһитиннэрдэ.
Бүгүҥҥү туругунан өрөспүүбүлүкэ үрдүнэн 24 ойуур баһаар умайарыттан 4-дэ бохсуллубут. 17 ойуур баһаарын умуруорууга барыта 653 киһи уонна 13 тиэхиньикэ үлэлиир. Бэҕэһээ «Циклон» Ан-26 диэн сөмөлүөт Өлүөхүмэ, Ленскэй, Ньурба, Мииринэй, Сунтаар уонна Горнай улуустарыгар анал көтүүнү оҥордо. Мииринэйгэ, Орто Халыма улууһун Сиэн Күөлүгэр уонна Өлүөхүмэ улууһун Чараҥ нэһилиэгэр ыксаллаах быһыы-майгы эрэсиимэ уһулла иликтэр.
СӨ Экологияҕа министиэристибэтэ Саха сирин олохтооругар уонна ыалдьыттарыгар ойуурга сылдьаргытыгар уоту сэрэхтээхтик туһанаргытыгар сүбэлиир, ыҥырар. Ойуур баһаара туран эрэрин биллэххитинэ, көрдөххүтүнэ, 8-4112-44-74-76 диэн эрэгийиэннээҕи диспетчэргэ эбэтэр 8-800-100-94-00 диэн анал нүөмэргэ быһа эрийэн тиийиэххитин сөп.
Источник: © edersaas.ru сайт
This post was published on 21.06.2022 12:01 12:01