Россияҕа педагог уонна наставник сылыгар Саха сирин баһылыга Айсен Николаев 100-түү тыһ солк кээмэйдээх анал бириэмийэ олохтоото, маны Учуутал күнүгэр туттарыллар. Ол туһунан регион сүрүн пресс-сулууспата иһитиннэрдэ.
«Бастыҥ педагог-наставнигы хас биирдии муниципальнай оройуоҥҥа уонна куорат уокуругар уопсастыбаннай тэрилтэлэр социальнай ситимҥэ аһаҕас куоластааһынынан талыахтара, куонкуруһунан быһаарыллар», — диэн суруллар иһитиннэриигэ.
Түмүгэр 36 педагог уонна наставник харчынан бириэмийэ ылыаҕа. Айсен Николаев Туһаайыытыгар бэлиэтээбитинэн, бастыҥнары олохтоохтор бэйэлэрэ талаллар, уопсастыба иннигэр үтүөлэрин иһин.
Маны сэргэ Россияҕа педагог уонна наставник сылыгар, Саха сиригэр Үлэ сылыгар учуутал үрдүк аатыгар анаммыт 60-тан тахса тэрээһин ыытыллыаҕа, ол иһигэр «Сельская школа» педагогическай дьаарбаҥка, үөрэҕирии форумнара, устудьуоннар педагогическай этэрээттэрин бэстибээлэ, «Профессия учитель» аахсыйа уо.д.а.
This post was published on 20.01.2023 17:29 17:29