24 От ыйа 24.07
  • 29°
  • $ 87,3
  • 95,46

Бастакы кыайыылаахтар мэтээллэрин кэттилэр

10:58, 09 июля 2016
Текст:
Читайте нас на
Яндекс Новости
ЯДВ

От ыйын 8 күнүгэр Кыайыы болуоссатыгар «Азия оҕолоро» норуоттар икки ардыларынааҕы VI спортивнай Оонньуу үс күннээх күрэхтэһиитин түмүгүнэн кыайыылаахтары үөрүүлээх быһыыга-майгыга наҕараадалаатылар.


Россия хамаандата саамай элбэх мэтээли ылар чиэскэ тигистэ. Художественнай гимнастика көрүҥнэригэр, бэл, бастыҥнар кэккэлэригэр сылдьыбыт Казахстан хамаандатын кыайан үөрүү өрөгөйүн биллилэр. Оҕолор хас биирдии көрүҥ ахсын көмүс мэтээли түөстэригэр иилинэн бастыҥнарын көрдөрдүлэр.

Бөлөҕүнэн араарыыга Саха сирин хамаандата үһүс бочуоттаах миэстэҕэ тахсыбыта улахан ситиһии быһыытынан сыаналанна. Биирдиилээн спортсменнарга Анастасия Шибаева уонна Анфиса Зайцева хас көрүҥ ахсын эрэллээхтик бастааннар күннээтилэр. Кинилэр оннооҕор Соҕуруу Корея аатырбыт гимнасткатын Сео Го Ыны үһүс миэстэҕэ үтүрүйдүлэр.Ыскакаалкалаах бырагыраамаҕа саха гимнастката Элла Крижановская үһүс буолан, биллиилээх спортсменкалары кытта тэҥҥэ үрдүк таһымҥа чиэстэннэ-бочуоттанна.

Россия, Казахстан, Кытай, Вьетнам, Монголия, ону сэргэ Саха сирин хамаандалара бэйэлэрин көрүҥнэригэр үчүгэй бэлэмнээхтэрин көрдөрөн, спорду таптааччылары астыннардылар. Ким күүстээх, кыайыыга дьулуурдаах «Азиа оҕолорун» мэтээллэригэр тиксэн дьоллонно. Ким тиксибэтэх санаатын түһэрбэт. Өссө да араас күрэхтэһии элбэх.

Кыайыылаахтары күн аайы Кыайыы болуоссатыгар чиэстиэхтэрэ.

Следите за самым важным и интересным в Telegram-канале и WhatsApp-группе ЯСИА