Ыам ыйын 28 күнүттэн Хаҥалас улууһугар Хачыкаат — Мохсоҕоллоох туһаайыытынан паром суола арыллар. Докумуоҥҥа илии баттанна, улуус дьаһалтатын пресс-сулууспата иһитиннэрдэ СИА-ҕа.
Ил Дархан ыйааҕар уонна өрөспүүбүлүкэ кылаабынай санитарнай бырааһын уурааҕар олоҕуран, коронавируһу тарҕаппат сыалтан, дьону, таһаҕаһы уу суолунан таһар-тиэйэр тэрилтэлэр үлэһиттэрэ вакцинацияны ааһалларыгар усулуобуйаны тэрийэллэригэр сүбэлээтилэр.
Маны сэргэ тус уонна уопсастыбаннай гигиенаны тутуһуу, мааска кэтиитэ булгуччулааҕа, хас рейс кэнниттэн дезинфекция ыыталлара этилиннэ.
Ыарыыны бохсор туһуттан айан иһин төлөбүрү алтыһыыта суох оҥорору сүбэлээтилэр.
This post was published on 28.05.2021 10:01 10:01