«Азия оҕолоро» VIII норуоттар ардыларынааҕы спортивнай оонньуулар символлардаах олохтоох оҥорон таһаарааччылар табаардара Дьокуускайга күрэхтэһии кэмигэр атыыга тахсыаҕа.
Билигин туох ханнык бородууксуйа баар буоларын испииһэгэ бигэргэнэр, дуогабардар түһэрсиллэллэр, биир кэлим оператор үлэтэ быһаарыллар, ол туһунан предпринимательство миниистирэ Тимур Ханды эттэ.
«Сувенирдары олохтоох предпринимателлэр оҥоруохтара. Уруучукалар, блокноттар, футболкалар уонна сымнаҕас оонньуурдар баар буолуохтара, оонньуулар символикалардаах. Предпринимателлэр бэйэлэрин табаардарыгар символиканы тутталларыгар дуогабардары түһэрсиэхтэрэ», — диэтэ миниистир.
