Уопсастыбаннай бэрээдэги, баһаартан куттал суох буолуутун хааччыйыыга уонна ыксаллаах балаһыанньаны сэрэтэр хамыыһыйа Дьокуускайга «Азия оҕолоро» оонньуулар буолуохтаах эбийиэктэрин бэрэбиэркэлээтилэр.
Ол туһунан муус устар 12 күнүгэр гражданскай оборуона уонна олоххо-дьаһахха куттал суох буолуутун хааччыйыы дьыалаларыгар миниистир Дмитрий Лепчиков эттэ.
«Ил Дархан туруорбут соруктара былаан быһыытынан туолаллар уонна туолуохтара», – диэтэ миниистир.
Санаттахха, Азия оҕолоругар Н.Н. Тарскай аатынан «Туймаада» уонна «Юность» стадионнар, «Модун», «Дохсун», «Стерх» спортивнай комплекстар, «Триумф» спортивнай бэлэм киинэ, «Эллэй Боотур» спорт дыбарыаһа уонна «Чолбон» бассейн үлэлиэхтэрэ.