Амма улууһугар Баҕылаах күөлгэ куйуур күрэҕэ буолла. Саха үгэскэ кубулуйбут дьарыга спорт көрүҥэр кубулуйар, диэтэ Саха сиринээҕи биологическай ресурсалар Дирекцияларын пресс-сулууспата.
Хамаандалар бириэмэҕэ лууҥка алларыытыгар күрэхтэстилэр. Салгыы быраабыла быһыытынан лууҥкаларын кэҥэтэн, куйуур батарын курдук оҥоруохтаахтар. Балыктыыр тэриллэрин сөпкө туруоран, дьаһайан, күөл түгэҕэр утуйа сытар балыктары уһугуннаран, сиэккэлэригэр иҥиннэрэн, хостоон таһаараллар.
Маннык балыктааһын көрүҥэ сахаларга эрэ баар уонна улахан нэҥири, тулуурдаах буолууну эрэйэр. Балтараа миэтэрэ халыҥнаах мууһу дьөлөн киирэн, онтон балык хостооһуна — чэпчэки үлэ буолбатах.
Бастыҥнар сыаналаах бириистэринэн наҕараадаланнылар, грамота, сертификат туттулар. 80-с сыллардаахха булчуттар түмсүүлэрин бэрэссэдээтэлинэн үлэлээбит Семен Захаров сырдык кэриэһигэр ананна. Куйуур күрэҕин кини аймахтара уонна Амма оройуонун дьаһалтата тэрийэн ыытта.
This post was published on 18.04.2024 14:34 14:34