21 От ыйа 21.07
  • 29°
  • $ 88,02
  • 96,04

Амма Бөтүнүгэр Лөглү Бөҕө атыгар олоруо

16:22, 21 сентября 2018
Текст:
Читайте нас на
Яндекс Новости
ЯДВ

Үлэ Геройа Анна Васильева-Сэбиэт Аана үлэлээн ааспыт, историяҕа Бөрө Бөтүннэринэн биллэр нэһилиэккэ ураты скульптура оҥоһуллар. Сотору кэминэн кэлбит-барбыт дьону төрүт киһи — Лөглү Бөҕө бухатыыр — атыгар олорон көрсүө.


Бөтүҥ бэйэтин ыччата, худуоһунньук идэлээх Владимир Левин бэйэтин уус доҕотторун кытта сүүнэ монумены оҥоро сылдьар.
«Монумеммыт үрдүгэ 5,5 миэтэрэ, кэтитэ 2.5 миэтэрэ буолар. Бэйэм бу иннинэ хас да маннык скульптураны оҥорбутум, сөбүлүүр дьарыгым буолар. Онон доҕорум Владимир бу маннык ис хоһоонноох монумены оҥоруохха диэбитигэр, үөрүүнэн сөбүлэспитим. Ылсыахпыт иннинэ, историяны үөрэттибит«, — диэн этэр скульптор, Тааттаттан төрүттээх, Нам улууһун олохтооҕо Илиян Павлов.
Владимир төрөөбүт, улааппыт нэһилиэгэр бу курдук историческай пааматынньыгы оҥороруттан киэн туттар. Кинилэри кытта өссө ууһут Сэмэнинэн биллэр, уһуну харбааһыҥҥа Гинесс рекордун кинигэтигэр киирбит Семен Алексеев үлэлэһэ сылдьара, эмиэ туспа уратылаах диэххэ сөп. «Бухатыырбытын, аппытын бастаан тимиринэн иһэрдэн, алюминий сетканан бүрүйэн, цеменинэн сыбыыбыт. Онтон тас өртүн анал кыраасканан бүрүйэбит» — диэн этэллэр уустар.
Уустар Амма Солобуодатын «Бойобуой расчет» диэн Албан Аат болуоссатыгар турбут артиллерийскай пушка аттыгар үс саллааты киллэрэн, ситэрэн хоторон биэрбиттэрэ. Урут пушка бэйэтэ эрэ турбут буоллаҕына, билигин тыыннанан, иччилинэнэн олох атын көстүү буолла.
Владимир Степановичтаах салгыы былааннара киэҥ.
Сиһилии «Амма олоҕо» хаһыакка ааҕыҥ.
Следите за самым важным и интересным в Telegram-канале и WhatsApp-группе ЯСИА