«МегаФон» хампаанньа бу күннэргэ 3G сибээһинэн Амма уонна Таатта олохтоохторун хааччыйан, мобильнай интернет бу улуустарга түргэтээтэ.
Ол курдук Амма улууһун Мээндигэтигэр, Михайловкатыгар, Сулҕаччытыгар итиэннэ Таатта улууһун Туора Күөлүгэр сибээс саҥа көрүҥэ холбонно. Маны таһынан Амма Абаҕатыгар 2G тирэх станцията үлэҕэ киллэрилиннэ.
Хампаанньа Саха сиринээҕи салаатын дириэктэрэ Александр Костерин биһиги хаһыаппытыгар иһитиннэрбитинэн, бүгүҥҥү туругунан «МегаФон» сибээһинэн өрөспүүбүлүкэ нэһилиэнньэтин 80%-на хааччыллан олорор.
