Амма улууһугар хаһыс да сылын үлэлиир «Мегафон» суотабай сибээс хампаанньата ааспыт ый бүтүүтэ Эмис, Чапчылҕан нэһилиэктэригэр 3G-интернети үлэҕэ киллэрдэ.
Бу икки нэһилиэккэ күн бүгүн уопсайа 1400 кэриҥэ киһи олорор. Сибээс, интернет хаачыстыбатын тупсарыыга үлэлэһэр хампаанньа килийиэннэрэ күн ахсын элбии турар. «Мегафон» ПАУо Саха сиринээҕи салаатын дириэктэрэ Александр Костерин иһитиннэрбитинэн, мантан инньэ Амма олохтоохторо социальнай ситимнэринэн улахан харгыһа суох хото туһанар кыахтаныахтара.
Бүгүҥҥү туругунан Россия биир бөдөҥ мобильнай операторын өҥөтүнэн Саха сирин нэһилиэнньэтин 80%-на туһанар кыахтаах.
