24 От ыйа 24.07
  • 17°
  • $ 87,3
  • 95,46

Александр Оконешников Саха сирин спортивнай тустуутун хамаандатын кылаабынай тренериттэн тохтоото

15:27, 15 января
Текст:
Хаартыска: ЯСИА саайта
Читайте нас на
Яндекс Новости
ЯДВ

Александр Оконешников Саха сирин спортивнай тустуутун сүүмэрдэммит хамаандатын кылаабынай тренерин дуоһунаһыттан тохтоото. Кини үлэлиир кэмигэр өрөспүүбүлүкэҕэ аан дойду күрэхтэһиилэрин призердара, Европа чемпионнара уонна призердара, Россияҕа бастыыр иһин киирсиилэр кыайыылахтара, дойду чемпионатын призердара баар буолбуттара.

«Александр Савельевич өрөспүүбүлүкэҕэ көҥүл тустуу сайдыытыгар кылаатын киллэрдэ. Кини салайар хамаандатын үлэтинэн биһиэхэ аан дойду чемпионатыттан, Европаттан, Азияттан, Океанияттан, Азиатскай оонньуулартан мэтээллэр бааллар. Сүүмэрдэммит хамаандаҕа эдэр көлүөнэ тустууктарга болҕомто ууруллубута. Ол түмүгэр Россия сүүмэрдэммит хамаандатыгар биһигиттэн лидердар баар буолбуттара», — диэтэ Саха сирин сүүмэрдэммит хамаандаларын бэлэмниир киин дириэктэрэ  Михаил Пахомов уонна киниэхэ ситиһиини, доруобуйаны баҕарда.

Быстах кэмҥэ тренер солбуйааччытынан Вадим Семёнов ааттанна. Кини үрдүкү категориялаах тренер, Россия спордун маастар көҥүл тустууга, көҥүл тустууга өрөспүүбүлүкэ чемпиона.

Следите за самым важным и интересным в Telegram-канале и WhatsApp-группе ЯСИА
Тутаах тыллар