24 От ыйа 24.07
  • 28°
  • $ 87,3
  • 95,46

Алдаҥҥа хаарбах дьиэлэртэн дьону көһөрүүгэ былаан оҥоһуллуоҕа

15:11, 27 августа 2018
Текст:
Читайте нас на
Яндекс Новости
ЯДВ

Бу өрөбүллэргэ Ил Дархан э.т. Айсен Николаев Алдан оройуонугар сылдьан, социальнай, промышленнай эбийиэктэри көрдө-иһиттэ, олох-дьаһах, коммунальнай хаһаайыстыбатыгар мунньах ыытта.


Ол курдук, Алдан куорат Солнечнай оройуонугар баар хаарбах туруктаах оҕо саадын, “Сибиир күүһэ” гаас ситимин тутуутун, Томмоттооҕу балыыһаны уонна Томмокко тутулла турар психологическай-неврологическэй диспансеры көрдө. Бу тутуулар түмүктэринэн, Солнечнайга сотору кэминэн саҥа оҕо саада тутуллуоҕун эттэ.
Оройуон коммунальнай хаһаайыстыбатыгар ыыппыт мунньаҕар ситимнэри, хочуолунайдары уларытар кэм кэлбитин бэлиэтээтэ. Ону сэргэ оройуоҥҥа өрөспүүбүүлүкэ үрдүнэн саамай элбэх хаарбах дьиэ баарын, ону көһөрүү барыахтааҕын эттэ. Бу тутуулары ыытарга федеральнай уонна өрөспүүбүлүкэ бүддьүөттэриттэн үбүлээһин көрүллүөҕүн, онуоха оройуон нэһилиэнньэлээх пууннарыгар биир ситимнээх былааны оҥоруохтааҕын иһитиннэрдэ. “Дьиэ-уот боппуруостарын, коммунальнай хаһаайыстыбаны тупсарыыга, хаарбах дьиэлэри суох оҥорууга нэһилиэнньэлээх пууннар сайдыыларын, тутууларын биир кэлим былаана баар буолуохтаах”, — диэн бэлиэтиир Айсен Николаев.
Ону таһынан коммунальнай хаһаайыстыбаҕа сыһыаран, оройуоҥҥа кыстыкка бэлэмнэнии, оттугунан хааччыллыы боппуруостарыгар кыһалҕалар баалларын ыйда. Онуоха өрөспүүбүлүкэ өттүттэн быһаарыллар боппуруостарга туһааннаах биэдэмистибэлэргэ сорудах барбытын иһитиннэрдэ. Уонна түмүккэ олохтоохтор өрөспүүбүлүкэттэн, федерацияттан эрэ көмөнү эрэйбэккэ, миэстэтигэр тута быһааран боппуруоһу эрдэтинэ бэбиэскэттэн устуохтарын сөбүн бэлиэтээн эттэ.

Аграфена КУЗЬМИНА, “Саха сирэ” хаһыат.

Следите за самым важным и интересным в Telegram-канале и WhatsApp-группе ЯСИА