Бүгүн Ил Дархан э.т. Айсен Николаев Уус Алдан улууһугар үлэлиир. Мелиорация боппуруоһугар улахан мунньах ыытыаҕа.
«Куоһаҕас» уу хаһаанар сирин, «Илин үрэх» быһыты көрөн баран, тута мелиорация боппуруостарыгар мунньах ыытыаҕа.
Санатан эттэххэ, Мүрү алааһыгар үс нэһилиэк түөлбэлээн олорор. Иһэр уу кыһалҕата турар.
Салгыы В.В.Күлүмнүүр аатынан Бороҕоннооҕу Духуобунас киинигэр, В.В.Алексеев аатынан Мүрүтээҕи уоланнар гимназияларыгар, 240 миэстэлээх Мүрүчээн оҕо саадыгар, ону сэргэ «Пит стоп» тэрилтэҕэ сылдьыаҕа.
Эбиэттэн киэһэ Кэптэнигэ «Дьиэрэ» бааһынай хаһаайыстыба сайылыгын, Лөгөй орто оскуолатын, Хомустаахха квартальнай хочуолунайы көрүөҕэ. Киэһэ улуус социальнай-экономическай сайдыытыгар мунньах ыытыаҕа.
Аграфена КУЗЬМИНА, «Саха сирэ» хаһыат, edersaas.ru
This post was published on 28.07.2018 11:45 11:45