18 От ыйа 18.07
  • 18°
  • $ 88,09
  • 96,3

Айсен Николаев Саха сирин бырабыыталыстыбатын иннигэр соруктары туруорда

17:07, 22 октября 2018
Текст:
Читайте нас на
Яндекс Новости
ЯДВ

Бүгүн, алтынньы 22 күнүгэр, Саха сирин Ил Дархана Айсен Николаев өрөспүүбүлүкэ Ил Түмэнэ бигэргэппит регион бырабыыталыстыбатын саҥа састаабын кытта киэҥ ыҥырыылаах мунньах ыытта.

Киэҥ ыҥырыылаах планерка кэмигэр Саха сирин баһылыга регионнааҕы бырабыыталыстыба үлэтин сүрүн хайысхаларын, министиэристибэлэр уонна биэдэмистибэлэр ураты хонтуруолларыгар тутуллуохтаах билиҥҥи соруктары ыйда. Итилэр истэригэр оттук сезонун этэҥҥэ аһарыы, кыһыҥҥы суоллары арыйыыга бэлэмнээһин, авиатиэйиилэри хааччыйыы, ону тэҥэ 2019 сылга бүддьүөт барылын кытта үлэлээһин уонна саахалланар туруктаах дьиэлэртэн көһөрүү бырагырааматын түмүктээһин киирдилэр.

Айсен Николаев  Арассыыйа бэрэсидьиэнин “”ыам ыйынааҕы” 204 ыйааҕын чэрчитинэн 12 национальнай бырайыагы олоххо киллэрии тэрээһиннэрин былааныгар болҕомтону туһаайда. Маны сэргэ регион бырабыыталыстыбатын чилиэннэрэ Уһук Илини 2025 сылга диэри сайыннарыы Национальнай бырагырааматын оҥорууга этиилэри бэлэмнииргэ үлэлэһэллэригэр сорудахтаата.

Манан сибээстээн министиэристибэлэр уонна биэдэмистибэлэр Москваҕа Саха сирин Бастайааннай бэрэстэбиитэлистибэтин кытта бииргэ үлэлиэхтээхтэр. “Тустаах бэрэстэбиитэлистибэ бырабыыталыстыбаҕа киирэринэн, өрөспүүбүлүкэ былаас федеральнай уорганнарын кытта бииргэ үлэлэһиэхтээх”, — диэн бэлиэтээтэ Айсен Николаев.

Следите за самым важным и интересным в Telegram-канале и WhatsApp-группе ЯСИА