Ил Дархан э.т. Айсен Николаев иллэрээ күн бырабыыталыстыба чилиэннэрин кытары көрсөн үлэни-хамнаһы билистэ. Бүддьүөккэ санаатын эттэ.
edersaas.ru
“Бүддьүөт туһунан эттэхпинэ, балаһыанньа арыый да уустук. Билигин бүддьүөппүтүгэр 13-15 млрд солк. тиийбэккэ турар. Ити сириэстибэни көрдүөхпүт. Ол иһигэр бүддьүөтү ханна эрэ кыччатан туран. Доллар кууруһа, ньиэп сыаната үрдээһинэ үчүгэй көрдөрүүлэри аҕалыахтаахтара дии саныыбын. Билигин аны халаан уутуттан эмсэҕэлээбит дьоммутугар, нэһилиэнньэлээх пууннарбытыгар көмөлөһүөхпүтүн наада. Билиҥҥи туругунан, 1,1 млрд солк. хоромньу таҕыста. Ол эмиэ халлаантан түһүө суоҕа. Бэйэбит бүддьүөппүт иһигэр резерва көрдөнүөхтээхпит”, — диэн этэр кини суруналыыстары кытары көрсүһүүтүгэр.
Санатан эттэххэ, үп сүрүн докумуонугар муус устарга уларытыылары киллэриинэн, өрөспүүбүлүкэ дохуоттаах чааһа 192,9 млрд солк. тэҥнэспитэ. Ороскуота – 194,6, млрд солкуобай.
Аграфена КУЗЬМИНА, “Саха сирэ” хаһыат.
