Тыа сиригэр эбэтэр 50 тыһ. ахсааҥҥа тиийбэт нэһилиэнньэлээх куораттарга үлэлии барбыт быраастарга уонна фельдшердэргэ биир кэмнээх төлөбүр бэриллиитигэр сааһынан хааччахтааһын сэтинньи 2 күнүттэн көтүрүлүннэ. Бу туһунан «Парламентская газета» иһитиннэрэр.
Урукку өттүгэр «Земский доктор» бырагырааманан биир кэмнээх төлөбүрү балаһыанньа быһыытынан 50 саастарын туола илик тыа сиригэр эбэтэр кыра куораттарга үлэлии барбыт быраастар уонна фельдшердэр ылаллара.
Быраастар 1 мөлүйүөн солкуобайы, биэссэрдэр 500 тыһ. солкуобайы ылаллара.
Бэрэсидьиэн Владимир Путин «бырагыраамаҕа сааһынан хааччахтааһыны тохтотор» туһунан этиини Федеральнай мунньахха анал этиитигэр киллэрбитэ, диэн суруйар НВК «Саха».
