Дьокуускай уонна Саха сирэ көхтөөхтүк сайдыыта Өлүөнэ муостатын тутууну ирдиир. Ол туһунан Россия президенэ Владимир Путин «Лидеры России» управленецтар куонкурустарын кыайыылаахтарын кытта көрсүһүүтүгэр эттэ.
«2000 сыллар саҕаланыыларыгар муостаны тутуу рациональнайа суох курдуга, тырааныспар сырыыта сабыылаах курдуга, төттөрү өттүгэр хоту, илин Дьокуускайтан да барыллыан сөптөөҕө. Онон бу муоста олох атыннык көһүннэ. Саха сиригэр олорор, үлэлиир дьоҥҥо махтал, балаһыанньа уларыйда: куоракка дьон ахсаана биллэрдик эбилиннэ, онон тырааныспар инфраструктуратын салгыы сайыннарар наада, ол тирээн кэллэ. Ол иһин биһиги хайаан да маны оҥоруохтаахпыт», — Кремль саайта президент этиитин цитаталаата.
