Дойду президенэ Владимир Путин уонна Саха сирин баһылыга Егор Борисов көрсүһүүлэрэ регион өрө күүрүүлээхтик сайдарыгар олугу ууруоҕа. Ити дойду президенэ өрөспүүбүлүкэ киллэрбит этиилэрин өйөөһүнүттэн быһаччы тутулуктанар. Маннык санааны Ил Түмэн дьокутаата Владимир Федоров эттэ.
«Владимир Путины кытта көрсүһүүгэ Егор Борисов өрөспүүбүлүкэҕэ тыҥаан турар ыйытыктары көтөхтө. Манна Өлүөнэ өрүһү туоруур муостаны тутуу, Саха сирин социальнай-экономическай туругун тэтимнээхтик сайыннарыы боппуруостарын кини сытыытык туруорда. Саха сирэ Уһук Илиҥҥэ ылар дьоһун оруолун таһынан Азия-Чуумпу акыйаан дойдуларын кытта хардарыта бииргэ үлэлиир регион быһыытынан өрөспүүбүлүкэ сыаналанна. Бу Ил Дархан тутуһар сыала-соруга уонна федеральнай былаас уорганнарыгар сүрүн туруорсуута. Маны олохтоохтор, Судаарыстыбаннай Мунньах (Ил Түмэн) өйүүр. Владимир Путин эппитин толорор. Кини киирбит этии сүрүн өттүн сүһэн ылан өрөспүүбүлүкэ да, дойду бүтүннүүтүн инникитигэр суолтатын дьэҥкэтик өйдүүр. Онон Саха сирэ балысханнык сайдарыгар улахан төһүү буолар көрсүһүү», —диир Федоров.
