Уус-Алдан улууһугар бэс ыйыгар курааннаан от үүнүүтэ мөлтөх. Өскөтүн урукку дьылларга улуус былааны таһынан оттуур эбит буоллаҕына, быйыл түөрт тыһыынча туонна курдук от тиийбэт кутталлаах. Бу туһунан СИАҕа улуус баһылыга Алексей Федотов кэпсээтэ.


«Быйыл окко былаан 29265 туонна. Мантан билиҥҥи туругунан 25 тыһ.оттоноро сабаҕаланар. Бэс ыйыгар ардаабакка от үүнүүтэ мөлтөх. Төһө эмэ аһыҥаттан 1,4 тыһ га сири эмтээбиппит үрдүнэн уон нэһилиэккэ балаһыанньа ордук уустук», — диир баһылык.

Көмөҕө 22 мобильнай биригээдэ тэриллэн үлэлиир. Онтон аҕыһа резервнэй пуондаҕа, атыттара тыа хаһаайыстыбатын кооперативтарыгар үлэлииллэр. От ыйын 30 күнүгэр кинилэр 13 тыһ туонна оту бэлэмнээтилэр.

Туорахтаах култуураны улуус толору хааччынар былааннаах. Эбии сиилэс, сенаж, зернофураж бэлэмнэниэ.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.