Оҕолоро атын улууска тиийбит төрөппүттэр олохтоох дьаһалтаҕа ол туһунан биллэриэхтээхтэр. Ил Дархан Айсен Николаев брифинг кэмигэр иһитиннэрдэ.
«Оҕолору харыстыыр сыалтан, улуустарга тиийбит оҕолору медицинскэй кэтээн көрүүгэ эбии миэрэлэри ылыыга ыйаахха илии баттаатым», — диэтэ Айсен Николаев.
Баһылык быһаарбытынан, оҕо куораттан тиийбит сиригэр олохтоох дьаһалтаҕа кини төрөппүттэрэ, аймахтара иһитиннэрии оҥоруохтаахтар. Бу дьаһалынан, медицина үлэһиттэрэ айаннаан тиийбит оҕолору икки нэдиэлэ кэтээн көрүүгэ ылыахтаахтар. «Оҕо доруобуйатыгар куттал суоһаабатын туһугар ылыллар миэрэлэр. Бу олус суолталаах быһаарыы, оҕо ыалдьыбатын уонна дьонугар ыарыыны сыһыарбатын туһугар ананар. Эрдэ биллэрбиппит курдук, сорох оройуоттарга оҕолор сыстыганнаах дьаҥы илдьибит түбэлэтэлэрэ тахсыбыта», — диэтэ кини.
