НВК САХА – «Союзмультфильм» киностудия Кытай хампаанньатын кытары 83 ааптарыскай мультфильмнары көрдөрөр туһунан сөбүлэһии түһэрсэр былааннаҕын туһунан ТАСС иһитиннэрдэ. Докумуон бу дьыл балаҕан ыйыгар баттанара былааннанар.
«Кытай хампаанньата «Союзмультфильм» киинэлэри кытай тылыгар тылбаастыыр туһунан эбэһээтэлистибэни ылыныахтаах. Бу киинэлэр истэригэр араас таһымнаах аан дойдутааҕы бэстибээллэр кыайыылаахтара бааллар», – диэн бырабылыанньа бэрэссэдээтэлэ Юлиана Слащева иһитиннэрдэ.
Кытай хампанньатыгар «Союзмультфильм» саҥа бырайыактарын көрдөр былааннаах. «Инники Кытай хас да хампаанньата мультикка интэриэстэрин биллэрбиттэрэ, ол эрээри сиэрийэ ахсаанын улаатыннарар туһунан баҕа санааларын эппиттэрэ. Бүгүҥҥү күҥҥэ «Простоквашино» мультик 20 саҥа сиэрийэтэ бэлэм, олортон хас да сиэрийэ кытай тылынан субтитрдана сылдьар», – диэн бэлиэтээтэ.
Сотору кэминэн «Союзмультфильм» «Простоквашино» мультик саҥа иккис сезонун оҥорон саҕалыахтаах, саҥа сезон 30 сиэрийэлээх буолара былааннанар.
Источник: http://nvk-online.ru
