Муус устар 14 күнүгэр коронавирус тарҕаныытын балаһыанньата Саха сиригэр хайдаҕый? Бу туһунан регион баһылыга Айсен Николаев сарсыараадҥы брифиҥҥэ кэпсээтэ диэн, СИА суруйар.
Дойду биир бөдөҥ травматологияҕа чинчийэр киинин тыһыынчанан бырааһа уонна ыарыһаҕа коронавируска сыстыбыт буолуохтарын сөп. Сүүһүнэн киһи анаалыһа дьаҥнаабыттыра бигэргэннэ. Бу кииҥҥэ Саха сириттэн эмиэ эмтэннилэр. Кулун тутар ыйга өрөспүүбүлүкэ 10 олохтооҕо, ол иһигэр коронавирустаабыттара бигэргэммит Горнай ыала уонна Бүлүүттэн биир киһи эмтэммиттэр. Ити кииҥҥэ эмтэммиттэртэн барыларыттан анаалыс ылылынна.
Алдаҥҥа икки киһи анаалыһа «положительнайы» көрдөрдө — Кисловодскайтан кэлбит дьахтар кэргэнэ уонна ырыынак хаһаайына. Бары эмтэниини ааһаллар.
Газпром бас билэр вахтовай бөһүөлэгэр ыарыыга сутуллуу баара билиннэ. Аҥардара Ленскэй оройуонугар эмтэниини ааһаллар, сорохторун Газпром сөмөлүөттэринэн Ноябрьскайга илтилэр.
Дьокуускайга «внебольничнай пневмония» баара билиннэ. Бу эмиэ коронавирус диагноһын көрүҥэ буолар. Биир киһи ыалдьыбыт буолуон сөп.
📲🎧 https://ysia.ru/kommentarij-dnya-glava-yakutii-o-novyh-ochagah-zarazheniya-koronavirusom/
