Биир суукка иһигэр эбии сэттэ киһи сыстыганнаах дьаҥҥа сутуллубута билиннэ.
Муус устар 24 күнүнээҕи туругунан, Өймөкөөн оройуонун Уус Ньара бөһүөлэгэр биир киһи корнавирустаабыта бигэргэннэ. Харантыын олохтуурга быһаарыы ылыллар. Бу вахтанан үлэлиир киһи. Алтыспыт дьоно биллэр.
Дьокуускайга 5 киһи, онтон иккитэ Чайында үлэһиттэрэ, ыарахан туруктаах киин куоракка аҕалылыннылар. Иккитэ — урукку ыалдьыбыт дьон контактара. Биир — судебнай пристав үлэһитэ, хантан сыстыбыта биллибэт.
Биир Ленскайга, эмиэ Чайында үлэһитэ.
«Самоизоляция» эрэһиимин тутуһар булгуччулаах.
