РФ президенэ Владимир Путин бырабыыталыстыбаны, доруобуйа харыстабылын министиэристибэтин уонна атын биэдэмистибэлэри регионнарга доруобуйа харыстабылын бастакы сүһүөҕүн тупсарыыга үлэҕэ көмөлөһөллөрүгэр эттэ.
«Бастакы сүһүөҕү үрдүк, ирдэнэр таһымҥа таһаарыыга былаас уоргаттара бары тэҥҥэ үлэлиэхтээхпит. Өссө биирдэ хатылаан этэбин: сүрүн үлэ РФ субъектарыгар ыытыллыахтаах. Мин бырабыыталыстыбаны, доруобуйа харыстабылын министиэристибэтин уонна атын биэдэмистибэлэри регионнарга бары өттүнэн өйөбүл, көмө буоларгытыгар көрдөһөбүн», — диэн Владимир Путин алтынньы 31 күнүгэр Калининградка буолбут Госсэбиэт мунньаҕар эттэ.
Кини, бастакы сүһүөх доруобуйа харыстабылын эйгэтин акылаата буоларын бэлиэтээтэ, онон «быһаарыылары ылыы бары өттүнэн сөбүлэһиллибит буолуохтаах» диэтэ, диэн РИА-сонуннар иһитиннэрдэ.
