Дьааҥы улууһун Адыаччы нэһилиэгин «Баачаан» ХЭТ сылгы племенной хаһаайыстыбатын отчуттара быйыл хаһааҥҥытааҕар да эрдэлээн, от ыйын 4 күнүгэр окко киирбиттэрэ. Бу күннэргэ отчуттар икки төгүл иҥэмтиэлээх бастакы хотуур отун кээһиитин саҕалыыр былааннаахтар.
Ыстаарсай табунщик Алексей Чириков салалтатынан быраата Александр, уоппуттаах сылгыһыт Станислав Стручков, мунньааччылар Айта Стручкова, Ася Слепцова өбүгэлэрин түөлбэлэригэр Кэнкэбэҕэ, быйыл сааскыттан уу киллэрэн-таһааран, сэттэ күрүөнү бэлиэр оттоотулар. Бу күннэргэ, икки төгүл иҥэмтиэлээх бастакы хотуур отун кээһиитин саҕалыыр былааннаахтар.
«Бүгүн кэтэспит ардахпыт курулаччы кута турар, сир-дойду, от-мас, тыынар тыыннаах киhи курдук үөhэ тыыммыкка дылы буолла. От үүнүүтэ үрдээтэр.. « — дэhэллэр Баачаан сылгыhыттара.
Быйылгы дьыл эмиэ сааскыттан курааннаан, Арҕаа Айааҥҥа мотопомпанан сүүрбэ хонук уу ыстарыллыбыта да, баччааҥҥа диэри ардаҕа суох, кураан сайын сатыылаан хатан турар. Мотопомпанан бу Кэнкэбэ өтөхтөрүн эмиэ ыстарбыттара. Ону таһынан сылгыһыттар тунах ыйыгар 1,5 биэрэстэлээх быыс бүтэй туппуттара. Сылгы, төрүөх туруга билиҥҥитэ үчүгэй.
Ааспыт сыл ойуур баhаардара бэккэ чугаhаан, ыксата сылдьыбыттара. Онон Баачаан сылгыhыттара өлгөм күннэри баттаhа бары күүhү окко уураллар.
