“ZAVOD” бөлөх үҥкүүһүтэ Сергей Сидоров Футболга аан дойду чөмпүйэнээтин үөрүүлээх сабыллыытыгар үҥкүүлээтэ.
Эрдэ этиллибитин курдук, Сергей Никки Джем уонна Уилл Смит ырыаларын үҥкүүтүнэн киэргэттэ. Кинини Лос-Анджелестан чемпионат сабыллыытын церемониятын туруора кэлбит хореографтар ыҥырбыттара.
Футболга аан дойду чөмпүйэнээтин сабыллыыта бэҕэһээ, от ыйын 15 күнүгэр, Москваҕа “Лужники” стадиоҥҥа буолбута. Чөмпүйэнээт сабыллыытын РОССИЯ 1 ханаал быһа эфиргэ көрдөрбүтэ.
Афанасий НОЕВ, «Саха сирэ» хаһыат, edersaas.ru
