19 От ыйа 19.07
  • 21°
  • $ 87,88
  • 96,1

Ытык Күөлгэ ыытыллыбыт дьаарбаҥка социальнай хайысхалаах буолла

16:15, 26 ноября 2018
Текст:
Читайте нас на
Яндекс Новости
ЯДВ

«Таатта улууһа» МО дьаһалтата, тыа хаһаайыстыбатын, культура уонна духовнай сайдыыга управлениелар тэрийиилэринэн Ытык Күөлгэ «Идэһэ — 2018» үгэскэ кубулуйбут атыы-эргиэн дьаарбаҥката тэрилиннэ. Бастатан туран миэстэнэн, киилэнэн сүөһү, сылгы тоҥ этэ, үрүҥ ас эгэлгэтэ, сир аһын арааһа, ынах арыыта, о.д.а. дэлэччи атыыланна. Дьон-сэргэ олохтоох бородууксуйаны атыыласта. Тэрээһин социальнай суолталаах ыытылынна.


Ытык Күөлгэ ыытыллыбыт дьаарбаҥка кыттыылаахтарын улуус талба талааннаахтара Светлана Очирова, Зинаида Никифорова, Михаил Варламов, «Доҕордоһуу» оҕо үҥкүү ансаамбыла, «Алдаана» атыы-эргиэн дьиэтин урбаанньыттарын вокальнай коллектива, о.д.а. ырыаларынан, үҥкүүнэн эҕэрдэлээтилэр.

Дьаарбаҥкаҕа атыы-эргиэн ыытыллар сирин ордук үчүгэйдик киэргэппит Харбалаахтан Корякиннар дьиэ кэргэн бастаатылар. Тоҥ ас, деликатес номинацияҕа бастыҥынан Вера Дмитриевна Егорова хаһаайыстыбата ааттанна. Дьаарбаҥка биһирэбил бирииһинэн Чычымахтан Старостиннар дьиэ кэргэн наҕараадаланнылар.

Бу күн атыы-дьаарбаҥка кыттыылаахтара биэс оҕо истиҥ ийэтэ, тапталлаах кэргэн, эйэҕэс дьүөгэ Анна Семеновна Андреева ыарахан ыарыыттан эмтэнэригэр анаммыт аһымал акцияҕа кыттыһан улахан көмөнү оҥордулар. Бу иннинэ эмиэ киниэхэ анаан улуус талааннаахтара, амарах санаалаах биир дойдулаахтара амарах санааланыыларын биллэрбиттэрэ.

Улуус олохтоохторун баһылык Михаил Михайлович Соров, Таатта нэһилиэгин баһылыга Егор Иннокентьевич Павлов, ТХУ салалтатын начальнигын эбээһинэһин толорооччу Григорий Семенович Таппыров, Красноярскай куораттан айар командировкаҕа кэлэ сылдьар биир дойдулаахпыт, скульптор Василий Яковлевич Сивцев-Отур Силис итии-истиҥ эҕэрдэлэрин тиэртилэр. Атыы-эргиэн дьаарбаҥкатын Таатта улууһун ыччат политикатыгар уонна дьиэ кэргэн салаатыгар начальнига Иван Федотович Иванов алҕаата.

Ааптар: Виктор ВИНОКУРОВ.
Хаартыскаларга: дьаарбаҥка түгэннэрэ.

Следите за самым важным и интересным в Telegram-канале и WhatsApp-группе ЯСИА