15 От ыйа 15.07
  • 17°
  • $ 87,74
  • 95,76

Япония култууратын кэрэхсээччилэр Дьокуускайга «Мацури» бэстибээлгэ муһуннулар

16:44, 23 мая 2018
Текст:
Читайте нас на
Яндекс Новости
ЯДВ

Бүгүн, ыам ыйын 23 күнүгэр, өрөспүүбүлүкэ киин куоратыгар, «Триумф» Спорт киинигэр буолбут «Мацури» диэн Япония  култууратын бэстибээлигэр Япония Хабаровскай куоракка генеральнай консула тойон Ямамото Хироюки кыттыыны ылла.

edersaas.ru

Япония Хабаровскай куоракка генеральнай консульствотын, Саха Өрөспүүбүлүкэтин бырабыыталыстыбатын, «Арассыыйа-Япония» Саха сиринээҕи салаатын тэрийиилэринэн ыытыллыбыт тэрээһиҥҥэ Дьокуускай олохтоохторо, ыалдьыттара Күн тахсар дойдутун баай култууратын кытта ыкса билсэр кыахтаннылар. Ким баҕалаах икебананы хомуйууга, оригамины оҥорууга, каллиграфиянан суруйарга холонно. Бэстибээл кыттыылаахтара чэй иһиитин сиэрин-туомун көрдүлэр, рамен миини астыырга үөрэннилэр. Тэрээһин чэрчитинэн оҕолор уонна улахан дьон ортотугар япон ырыатыгар, үҥкүүтүгэр, анимены, манганы уруһуйдааһыҥҥа куонкурустар ыытылыннылар.

Бэстибээл «Ёсакой-соран» үҥкүү кэлэктиибэ (Хоккайдо), япон төрүт муусукатын бөлөҕө (Гумма)  уонна саха эстрадатын ыраыһыттара, үҥкүү ансаамбыллара кыттыылаах улахан кэнсиэринэн түмүктэниэҕэ.

«Мацури» бэстибээл Арассыыйаҕа Япония сылын иитинэн ыытыллар.

Роман Попов

Ааптар хаартыскаҕа түһэриитэ.

0

0
Следите за самым важным и интересным в Telegram-канале и WhatsApp-группе ЯСИА