«Авиалесоохрана» Саха сиринээҕи баазатын салайааччыта Владимир Леонов куурбут оту көҥүлэ суох уматыы кутталын туһунан кэпсээтэ, СИА суруйар.
Владимир Леонов эппитинэн, өртөөһүн сокуонунан бобуллар. Онон маннык дьайыы иһин дьон эппиэтинэһи сүгэр, холуобунай да буолуон сөп.
«Баһаардар кураанах от умайыытыттан тахсаллар, ойуурга эппиэтинэһэ суох сылдьар сорох дьонтон уот турар. От бэйэтэ умайбат, өскөтүн туораттан дьайыы суох буоллаҕына. Күһүн, баһаар сезона сабыллыбытын, этиҥ тохтообутун кэннэ, сорох нэһилиэнньэлээх пууннарга буруо баара. Биричиинэтэ боростуой — өртөөһүн саҕаламмыта. Онтон сылтаан сорох дьон кыһалҕалары көрсүбүтэ, кыстыкка бэлэмнээбит отторо умайан«, — диэтэ кини.
This post was published on 12.02.2021 14:01 14:01