26 От ыйа 26.07
  • 17°
  • $ 85,41
  • 93,17

Валерий Андросов аан дойду түһүлгэтигэр тустуоҕа

16:00, 05 июня 2018
Текст:
Читайте нас на
Яндекс Новости
ЯДВ

Аҕыйах хонуктааҕыта Москваҕа түмүктэммит уолаттар ортолоругар көҥүл тустууга Арассыыйаҕа бастыыр иһин күрэхтэһиигэ Р.М. Дмитриев аатынан олимпийскай солбук училищетын иитиллээччитэ Валерий Андросов кыһыл көмүс мэтээли ылары ситистэ.

Усуйаанаттан төрүттээх эдэр бөҕөс 48 киилэҕэ диэри ыйааһыҥҥа утарылаһааччыларын, этэрэгэ дылы, үрүҥ харахтарын өрө көрдөрбөтө. Ол курдук, бастаан биир дойдулааҕын Егор Находкины (10:3), Оренбург бөҕөһүн Данил Чегодаевы (10:0), салгыы Айсен Алексеевы (9:3), Чечня чулуутун Рахман Бутуевы (13:2) эрэллээхтик кыайталаата.

Оттон кыайыылааҕы быһаарар түмүк хапсыһыыга Арассыыйа биир күүстээх тустууга Гусейн Газалиевка үөс-батааска биэрбэккэ, хара ааныттан кимиилээхтик тустан, биир мүнүүтэ иһигэр хардата суох 10 очукуону ылан, күрэхтэһии чөмпүйүөнүнэн буолла. Валера бастакы дьоһун ситиһиитин ийэтигэр Снежана Сергеевнаҕа аныырын эттэ.

Ити кыайыытынан тириэньэр Иван Сивцев иитиллээччитэ от ыйын 2 – 8 күннэригэр Хорватияҕа буолар аан дойдуга бастыыр иһин күрэхтэһиигэ кыттар Арассыыйа сүүмэрдэммит хамаандатын састаабыгар киллэрилиннэ.

Бу түһүлгэҕэ саха уолаттарыттан 48 киилэҕэ диэри ыйааһыҥҥа Айсен Алексеев (тириэньэрэ Прокопий Иванов), 55 киилэлээхтэргэ Дархан Игнатьев (тириэньэрэ Станислав Захаров) боруонса мэтээллэри ыллылар.

Роман Попов, edersaas.ru

Хаартыска Интэриниэттэн ылылынна.

0

0
Следите за самым важным и интересным в Telegram-канале и WhatsApp-группе ЯСИА