«Комплексы биһиэхэ 2021 сыллаахха «Здравоохранение» национальнай бырайыагынан биэрбиттэрэ. Быйылгы сылтан бу үлэ «Продолжительная активная жизнь» нацбырайыагынан барар», – диэн эттилэр киин балыыһаҕа.
Медицина көһө сылдьар комплекса ыраах сытар нэһилиэнньэлээх пууннары хапта. Алта ыйга 311 диагностика чинчийиитэ ыытылынна, лабораторнай чинчийии оҥоһулунна. Ол түмүгэр 27 киһиэхэ салгыы эмтэниини ирдиир ыарыы булулунна.
