Уус-Алдан Бороҕон нэһилиэгин Мүрү 2№-дээх оскуолатын оннугар үс этээстээх саҥа оскуола тутуллуо. Бу туһунан Саха Өрөспүүбүлүкэтин тутууга уонна дьиэни-уоту кэтээhиҥҥэ судаарыстыбаннай Управлениета иһитиннэрдэ.
«450 миэстэлээх үс этээстээх оскуола 5854,87 кв миэтэрэ иэннээх буолуо. Саҥа оскуолаҕа 17 үөрэнэр кылаастар, лаборатория хоһо, мастарыскыайдар, спортивнай, гимнастическай саалалар, 150 миэстэлээх остолобуой, бибилэтиэкэ, методическай хостор, 270 миэстэлээх актовай саала баар буолуохтара», — диир Управление салайааччыта Павел Аргунов.
Оскуола дьиэтэ доруобуйаларыгар хааччахтаах дьоҥҥо табыгастаах гына оҥоһуллуо, оскуола тиэргэнигэр оҕо оонньуур былаһаакката, физкультурнай-спортивнай балаһа баар буолуохтара.
