Анастасия Диодорова харбааһыҥҥа Россия чемпионатыгар биэс кыһыл көмүс уонна биир үрүҥ көмүс мэтээллэринэн наҕараадаланна. Спортсменка СИА-ҕа эппитинэн, кини кэлэр старда ыам ыйыгар Европаҕа буолуоҕа.
«Күрэхтэһии үчүгэйдик ааста. Быйыл биэс кыһылы уонна биир үрүҥү ыллым. Россия чемпионатыгар 17-с төгүлбүн кыттабын. Быйыл манна 300-тэн тахса спортсмен кииристэ, мин — ПОДА категориятыгар. Бу Паралимпийскай оонньууларга кыттыыга Россия хамаандатын сүүмэрдээһин бастакы этааба. Иккис — Европа чемпионата, ыам ыйыгар Португалияҕа буолуоҕа. Паралимпиада хамаандатын бэс ыйыгар этиэхтэрэ», — Анастасия Диодорова кэпсээтэ.
Харбааһыҥҥа Россия чемпионата тохсунньу 15 — 22 күннэригэр Нижегородскай уобалаһыгар буолан ааста.
This post was published on 22.01.2020 19:07 19:07