«Дьөһөгөй оҕото» кыраайы үөрэтэр музей Хаҥалас улууһун Улахан-Ааныгар үлэтин саҕалаата.
«Музейдар ааспыт историяны харыстыыллар, кэми кэрэһэлииллэр уонна култуураны. Улахан-Ааннааҕы музей Дьөһөгөйгө анаммыта кэрэхсэбиллээх. Бу нэһилиэккэ акка туспа, ураты сыһыан баар. Манна «Бөртө» сылгы собуота үлэлиир, сүрүн оҥорон таһаарааччынан буолар, сылын аайы төбөтүн ахсаана эбиллэр. Музей бэйэтин экспонаттарынан элбэҕи дьоҥҥо кэпсиэҕэ дии саныыбын», — диэтэ Хаҥалас улууһун баһылыга Олег Иринеев.
