13 От ыйа 13.07
  • 25°
  • $ 87,74
  • 95,76

Тиксиигэ күһүүрдэр сүүрүк табаларын кыдыйбыттар

16:15, 07 апреля 2016
Текст:
Читайте нас на
Яндекс Новости
ЯДВ

Аҕыйах хонуктааҕыта Тиксиигэ табаһыттар сүлүөттэрэ этэҥҥэ, үрдүк таһымнаахтык ааста диэн, Булуҥ улууһун олохтоохторо сүргэлэрэ көтөҕүллэ сылдьыбыттара. Ону баара бүгүн, муус устар 7 күнүгэр, кыайыы көтөллөммүт табалары кыдыйбыттарын туһунан киһини дьиксиннэрэр сурах тарҕаммыта.


Күһүүрдээҕи “Булунскай” МУТ күрэххэ анаан хас да сылы быһа эрчийбит, дьарыктаабыт, бэлэмнээбит табаларын — 30 табаны — кимэ биллибэт киһи биир күн иһигэр суох оҥорон кэбиспит.

Бэйэтигэр идэһэ оҥостоору өлөртөөбүт диэтэххэ, өлбүт таба ахсаана 30 төбө, өлүктэрэ миэстэлэригэр сыталлар. Ол аата, табалары кыдыйаталаан баран, сонно хаалларбыттар. Аны бултуу тахсыбыт диэтэххэ, дьон этэринэн, Тиксии эргин кыыл таба олох чугаһаабат, бэрт дэҥҥэ биир-икки табаны көрүөххэ сөп.

“Кырдьык дуо?”, — диэн санаа үүйэ-хаайа тутан, улуус хаһыатын суруналыыһа Харысхан Попов түбэлтэ буолбут сиригэр тиийэн, илэ бэйэтин хараҕынан аҕыйах хонуктааҕыта сүүрбүт табалар өлө сытаахтыылларын көрөн, аһыйбытын да, абарбытын да СИА-ҕа биллэрдэ.

Бу көннөрү табалар буолбатахтар, хас да сылы быһа күрэххэ анаан бэлэмнээбит табаларбытын сүтэрбиппит – биһиэхэ ыар сүтүк. Баастарыттан көрдөххө, улахан күүстээх саанан ытыалаабыт. Биһиги уопсайа 80-тан тахса табалаах кэлбиппититтэн 30-ун сүтэрэн баран эрэбит. Бу сиэргэ-майгыга баппат баламат быһыы. Дьиэ табатын хаһан да итинник диикэйдик ытыалаан өлөрбөттөр. Онтон бу анаан-минээн сүүрүүгэ бэлэмнээбит табаларбытын ытыалаан өлөрбүттэрэ биһиэхэ өссө ыарахан”, – дииллэр кыһыйбыт-абарбыт табаһыттар.

Таба ахсаанын элбэтиэххэ наада диэн улууһу уҥуордаан өрөспүүбүлүкэҕэ тиийэ айдаарабыт, ол туһугар үлэ бөҕө ыытыллар. Ол эрээри бу маннык хара санаалаах дьон төттөрү тарда сырыттахтара ити. Табаһыттар күннэтэ көрсөр ыарахан үлэлэрин, сыраларын-сылбаларын сыаналаабат буолуу киһини хомотор, дьиксиннэрэр. Буруйдаах киһини булан, сокуон ирдэбилинэн кытаанах эппиэккэ тардыахха!

Следите за самым важным и интересным в Telegram-канале и WhatsApp-группе ЯСИА