Тохсунньу 3 күнүгэр 1922 сыллахха Владимир Самсонов, 1929 сылга Никифор Неустроев, 1956 сылга Мел Гибсон, 1959 сыллаахха Владислав Доллонов 1969-ка Михаэль Шумахер — саха норуотугар биллэр дьон төрөөбүттэр. Кинилэр олохторун туһанан Бикипиэдьийэ суруйар, салгыы аах.
Бэлиэ күннэр
- Индонезия — Итэҕэл министиэристибэтин күнэ
Түбэлтэлэр
- 1925 — РКП(б) Саха сиринээҕи обкомун бюрота «Саха омук» уопсастыба маассабай үлэ ыытар киэҥ тэрилтэни култуура-билим өттүгэр үлэлиир дьоҕус уопсастыбаҕа кубулутарга уураахтаабыт. Төрүөтэ диэн национальнай интеллигиэнсийэ культурнай-сырдатар үлэтин холбуур сыалын-соругун «Саха омук» уопсастыба толорбут, онтон саҥа үөскээбит сэбиэскэй олоххо-дьаһахха маннык уопсастыба бэлиитикэ өттүттэн наадата суох диэн быһаарыллыбыт.
- 1959 — Аляска штат статуһун ылбыт.
- 1993 — Москубаҕа Арассыыйа уонна АХШ ыккардыларыгар Стратегическэй кимэн киирэр сэбилэниини аччатар туһунан дуогабар түһэрсиллибит.
- 2009 — Биткоин төлүүр систиэмэ айааччыта Сатоши Накамото блокчейн бастакы блогун оҥорбут.
Төрөөбүттэр
- 1922 — Владимир Самсонов — Аҕа дойду Улуу сэриитин кыттыылааҕа, физика-математика билимин хандьыдаата, 40-тан тахса дьүкээбил уотун уонна магнитосфераны чинчийэр үлэ ааптара. Сэрии кэнниттэн СГУ физика-математика факультетын бүтэрбитэ.
- 1929 — Никифор Неустроев — филология билимин хандьыдаата, Саха АССР Үтүөлээх учуутала.
- 1956 — Мел Гибсон — Австралияттан төрүттээх Америка артыыһа, кинорежиссёра, сценариһа, продюсера, «Оскар» бириэмийэ икки төгүллээх лауреата.
- 1959 — Владислав Доллонов — суруйааччы, суруналыыс.
- 1969 — Михаэль Шумахер — ньиэмэс автогонщига, «Формула-1» устуоруйатыгар саамай ситиһиилээх пилот, 7 төгүллээх аан дойду чөмпүйүөнэ.
