24 Тохсунньу 24.01
  • -48°
  • $ 73,82
  • 83,32

«Тиит Буурай сыдьаана Уйбаан Охлопков» кинигэ сүрэхтэниитэ Дьокуускайга буолла

15:27, 29 февраля 2016
Текст:

Дьокуускайга Н.Тарскай аатынан «Туймаада» стадиоҥҥа Уус-Алданнааҕы кииннэммит библиотека тиһигин үлэһиттэрэ: СӨ култууратын туйгуна, Мүрү нэһилиэгин Бочуоттаах олохтооҕо Анна Бурнашева, СӨ култууратын туйгуна Мария Попова көҥүл тустууга ССРС спордун маастара, «Гражданскай килбиэн» бэлиэ хаһаайына, Чэриктэй нэһилиэгин Бочуоттаах олохтооҕо Иван Охлопков туһунан «Тиит Буурай сыдьаана Уйбаан Охлопков» диэн ааттаах кинигэ сүрэхтэниитин тэрийдилэр. Бу туһунан СИА-ҕа улуустааҕы кииннэммит библиотека методиһа Мария Попова кэпсээтэ.


Кини кинигэни библиотека ветерана, Чэриктэй нэһилиэгин Бочуоттаах олохтооҕо Матрена Охлопкова хомуйан оҥорбутун, көрсүһүүгэ Иван Степановиһы кытта ыкса алтыспыт табаарыстара, бииргэ үөрэммит доҕотторо, бэтэрээн спортсменнар көхтөөх кыттыыны ылбыттарын, атах тэпсэн олорон истиҥ сэһэргэһии тахсыбытын эттэ. Библиотека үлэһиттэрэ бэлиэтээбиттэринэн, ытык киһи туһунан эдэр ыччаттар улаханнык сэҥээрэн истибиттэр, элбэх ыйытыыны биэрбиттэр. Көрсүһүү кыттыылаахтара дойдуларын суон сурахтаабыт киэн туттар ытык дьоннорун-сэргэлэрин туһунан кинигэлэр бу курдук бэчээттэнэн тахса туралларыгар баҕарбыттар. Уус алдантан төрүттээхтэр уонна улуустааҕы библиотека үлэһиттэрэ Матрена Семеновна «буруолаабытынан» кинигэтин улуус 29 библиотекатыгар бэлэхтээбитигэр, ааҕааччылар ааттарыттан махтаммыттар.

0
0
24 января 24.01
  • -48°
  • $ 73,82
  • 83,32