14 От ыйа 14.07
  • 17°
  • $ 87,74
  • 95,76

Тамалакааҥҥа алта байыас бирииһигэр мас тардыһыытыгар күөн көрүстүлэр

15:10, 29 февраля 2016
Текст:
Читайте нас на
Яндекс Новости
ЯДВ

«Баһаарга хорсунун иһин» Россия таһымнаах мэтээллээх алта байыас бирииһигэр иккис төгүлүн ыытыллыбыт оскуола саастаах оҕолор икки ардыларыгар мас тардыһыытын аһаҕас турнира Тамалакаан нэһилиэгэр буолан ааста. Икки сылга биирдэ ыытыллар күрэхтэһиигэ Ньурбаттан, Бүлүүттэн уонна Үөһээ Бүлүүттэн уопсайа 70-ча эдэр мадьыны күөн көрүстэ.


Мас тардыһыы федерациятын бэрэссэдээтэлэ, Үөһээ Бүлүүтээҕи 12 №-дээх баһаарынай этэрээт начальнига Виктор Новиков уонна алта герой байыастар көҕүлээһиннэринэн тэриллибит күрэх олус тэрээһиннээх ааста. Абсолютнай күрэх кыайыылаахтара, кыра ыйааһыҥҥа Үөһээ Бүлүүттэн Спира Ильин уонна улахан ыйааһыҥҥа Бүлүү улууһун Үгүлээт нэһилиэгиттэн Айхал Алексеев 5-тии тыһ. солк. уу харчынан туттулар.

Спорт маастара, Саха сирин икки төгүллээх чемпиона, 1 №-дээх баһаарынай чаас караулун начальнига Валерий Саввинов күрэхтэһии кылаабынай судьуйатынан үлэлээтэ.

«Инникитин даҕаны алта герой бирииһигэр күрэхтэһии үгэскэ кубулуйан, эдэр ыччаты, үрдүкү кылаас оҕолорун спорт эйгэтигэр сыһыары тутан, үрдүк таһымнаах күрэхтэһиилэр тэриллиэхтэрэ», — диэн баһаарынай этэрээт инструктора Александра Михайлова иһитиннэрэр.

Следите за самым важным и интересным в Telegram-канале и WhatsApp-группе ЯСИА