Саҥа үөрэх кыһата арыллыытыгар Ил Дархан Айсен Николаев кыттыыны ылла. Кини оскуола оптуобуһа ылалларыгар сертификат туттарда.
«Бүгүн өрөспүүбүлүкэҕэ олус суолталаах күн — Саха судаарыстыбаннай университетын бастакы ректора, үөрэҕирии сайдыытыгар элбэх сыратын биэрбит Авксентий Мординов аатынан лицей саҥа дьиэтигэр киирдибит. Уһун сыллаах үлэ, тулхадыйбат санаа түмүгэ буолар. Лицей — бу саҥа аныгылыы үөрэх тэрилтэтэ, бу инники лидердары, учуонайдары, талааннаах уонна ситиһиилээх дьону иитэн- үөрэтэн таһаарар кыһа буолар. Кинилэр өрөспүүбүлүкэ, дойду сайдыытыгар туруоруллубут соруктары толоруохтара», – диэтэ Айсен Николаев.
Саҥа оскуола түөрт этээстээх, уопсай иэнэ 10-тан тахса тыһ кв м. Хаачыстыбалаах үөрэҕи биэриигэ бары өттүнэн бэлэм. Интернат үөрэнээччилэр олороллоругар толору ананан тэриллибит.
Хаартыска: Андрей Сорокин, ЯСИА
Эбийиэк тутуутун уопсай суумата — 1 590,4 мөл солк, онтон 480,9 мөл солк федеральнай бюджеттан тыырылынна, 1 109,5 — регионтан.
