22 От ыйа 22.07
  • 27°
  • $ 88,02
  • 96,04

Таатта үрэх үрдүгэр

13:20, 16 июня 2018
Текст:
Читайте нас на
Яндекс Новости
ЯДВ

Былатыан Ойуунускай төрөөбүтэ 125 сылыгар анаммыт улахан суолталаах ыһыах  «Таатта оҕото Дьаралыктыйа Былатыан» театральнай дьүһүйүү  Ойуунускай «Оҕо куйуурдуу турара» айымньытын көрдөрүүттэн саҕаланна.

Кырачаан уолчаан Халамнаайыга куйуурдаары муус аллара туран, үөрэхтэн матаары улаханнык курус санааҕа ылларбытын эбэтигэр кэпсиир, көрдөһөр-ааттаһар: «Эбэккээм, үтэлээ. Үтүөҕүн төлүөҕүм…». Ити тыллар киһи сүрэҕин сүр күүскэ ыарыылаахтык хаарыйаллар.  Кырачаан уолчааны аһынан, хайдах да буолуоххун билбэккэ, уйадыйан ылаҕын. Кэм устан ааһар.

Ыһыахтыыр алааска күн уота эмискэ ураты күүскэ сырдыы, кыырпахтарынан ыһыахтана оонньуу түһэр. Бу кэмҥэ Таатта сүүсчэкэ талыы уолана арыалдьыттаах Былатыан Ойуунускай хорсуннук-хоодуоттук хааман тиийэн кэлэр. Кинини кэтэспит, чуумпутук иһийбит ураты тыыннаах сиригэр-уотугар Былатыан уоттаах-төлөннөөх тыллара сатарыыр.

Былатыан Ойуунускай олорбут олоҕо саха норуотун дьылҕатыгар, сайдыытыгар умнуллубат үтүөлээх. Саргыбат сахабыт алгыстаах сырдыга, айхалын арчыта, улуукан убайбыт Былатыан, умнубаппыт эйиигин… диэн айхалынан дьүһүйүү түмүктэннэ.

Норуот хора «Таатта үрэх үрдүгэр» ырыаны ньиргиччи толорбутун түһүлгэҕэ мустубут бар дьон дохсун ытыс тыаһынан айхаллаатылар.

Елена ПОТОЦКАЯ, «Саха сирэ» хаһыат, edersaas.ru

Ааптар түһэриилэрэ.

0

0
Следите за самым важным и интересным в Telegram-канале и WhatsApp-группе ЯСИА