20 От ыйа 20.07
  • 17°
  • $ 88,02
  • 96,04

“Төрүт Дорҕоон” бастакы фольклорнай бэстибээлгэ хаҥаластар кытыннылар

17:20, 16 октября 2019
Текст:
Читайте нас на
Яндекс Новости
ЯДВ

Дьокуускай куорат “Арчы” дьиэтигэр “Төрүт Дорҕоон” фольклорнай бэстибээл аан бастакытын бэрт тэрээһиннээхтик ыытылынна. Сахабыт сирин фольклорун сэҥээрээччилэрэ киэҥ түһүлгэни олохтоотулар.


Хаҥаластар биир дойдулаахпыт, “Өктөм” парк салайааччыта Анатолий Прокопьев Дьокуускайга буолбут «Төрүт дорҕоон» бэстибээли иилээн-саҕалаан, көҕүлээн тэрийдэ.

Дьокуускай куорат 7, 17, 25, коррекционнай оскуолалар үөрэнээччилэрэ, Дьокуускай куорат уонна Хатас оҕо саадын иитиллээчилэрэ, Хатас муусука уонна искусство оскуолатын үөрэнээччилэрэ, оҕо дыбарыаһыгар эбии үөрэх уһуйуллааччылара, Чурапчы, Нам, Хаҥалас, Жатай үүнэр көлүөнэ ыччата кыттыыны ыллылар.

Балаһыанньа быһыытынан оҕолор саастарынан арахсаллар, фольклор араас көрүҥэр кытталлара көҥүл, биирдиилээн, бөлөҕүнэн толороллор, кыайыылаах оҕолорго “Үрдэл” — лауреат, “Үктэл” – дипломант анал ааттар иҥэриллэллэр.

Дьүүллүүр сүбэ түмүгүнэн  бириистээх миэстэлэргэ тигистилэр:

Гран-при коррекционнай оскуола бөлөҕө, салайааччы Айтал Мырсанов. Биирдиилээн кыттааччыларга – бастакы үрдэлгэ Тамила Федорова, иккис Вилена Макарова, үһүс Нарыйаана Кузьмина.

Орто группаҕа бөлөҕүнэн толорууга: бастакы үрдэлгэ “Кэскил” бөлөх, Дьокуускай куорат 17 нүөмэрдээх оскуолата, иккис —  Дьокуускай куорат 25 нүөмэрдээх оскуолата, үһүс – “Айыы оҕолоро” бөлөх, Нам 2-с нүөмэрдээх оскуолата.

Үктэлгэ таҕыстылар:

Бастыкы – “Ручеек” бөлөх, иккис – “Дьулуур” бөлөх, үһүс – Саха гимназиятын үөрэнээччилэрэ.

Биирдиилээн толорууга үрдэлгэ таҕыстылар:

Бастакы – Света Афанасьева, иккис – Нарыйаана Григорьева, үһүс – Иванна Постникова.

Улахан саастаах оҕолорго үрдэлгэ таҕыстылар:

Бастакы – 17-с оскуола оҕолоро, иккискэ — оҕо дыбарыаһын иитиллээччитэ. Үһүс – “Этигэн хомус” бөлөх оҕо дыбарыаһын оҕолоро.

Биирдиилээн толорууга үрдэл кыайыылаахтара:

Бастакы – Оксана Иванова (Хаҥалас), иккис – Карина Попова.

Хомуска үрдэллэр:

Бастакы – Лев Лебедев, иккис – Бястинова, үһүс – Ванесса Максимова.

Үрдэллэр:

Бастакы – Айта Федорова, иккис – Альберт Горохов, үһүс Чэмэлиинэ Атласова.

Миэстэлэспит оҕолор “Өктөм” парк анал бииристэрин туттулар, Гран-при ылбыт оҕолор 10 000  тыһыынча солкуобайы уу харчынан туттулар. Салайааччыларга уонна кыттыбыт оҕолорго  барыларыгар туоһу суруктары туттардылар.

А.А. Прокопьев саха фольклора сайдарын туһугар холонон тэрийбит бырайыага инникитин үтүө үгэскэ кубулуйан, саҥаттан саҥа ааттары таһаарарга тирэх буолуо диэн баҕалаахпын, диэн иһитиннэрэр “Хаҥалас” хаһыат общественнай кэрэспэдьиэнэ Лидия Харитонова.

Следите за самым важным и интересным в Telegram-канале и WhatsApp-группе ЯСИА