Хаҥалас улууһун Булгунньахтаах нэһилиэгин “Арчы дьиэтигэр” Саха Өрөспүүбүлүкэтин туйгуна, Саха Өрөспүүбүлүкэтин үтүөлээх оһуокайдьыта Тимофей Федотович Давыдов 60 сааһыгар аналлаах В.Г.Григорьев аатынан «Дьиэрэй ырыа” култуура киинин үлэһиттэрэ оскуолалара 125 сылыгар анаан нэһилиэктэригэр оһуокай күнүн тэрийдилэр.
Дьоро киэһэни Анисия Дьяконова салайааччылаах “Сарыада” итэҕэл түмсүүтэ арчылаан, алаадьылаах кымыһынан айах тутан тэрээһин аартыгын арыйдылар.
Бу күн эҕэрдэ тылы эттилэр: Дмитрий Семенович Лаврентьев нэһилиэк баһылыгын солбуйааччыта, оскуола директора, бииргэ үөрэммит табаарыһа Александр Петрович Тимофеев, бииргэ төрөөбүт убайа Николай Федотович Давыдов, Тимофей Давыдов олоҕун аргыһа Ирина Никифоровна, аймахтара, Сунтаар улууһуттан төрүттээх СӨ култууратын туйгуна, СӨ үтүөлээх оһуокайдьыта, култуура мецената, норуот эмчитэ Антонина Саввична Алексеева уонна “Розтор” сетевой маҕаһыынын салайааччыта Михаил Саввич Иванов, “Эркээни эдэр сааһа” народнай үҥкүү кэлэктиибин салайааччыта, Хаҥалас оһуокайын тарҕатааччы, көҕүлээччи СӨ култууратын үтүөлээх үлэһитэ, Тимофей Давыдов тастыҥ эдьиийэ Василиса Егоровна Романова, Хаҥалас улууһун “Арчы дьиэтэ”норуот айымньытын киинин уонна Хаҥалас оһуокайдьыттарын түмсүүтүн салайааччыта СӨ култууратын үтүөлээх үлэһитэ Лидия Васильевна Харитонова.
Хаҥаластыы, Таатталыы, Аммалыы оһуокайы таһаардылар: Сергей Исаевич Макаров-бэйиэт, мелодист, ЖКХ үлэһитэ, саха тылын учуутала Анна Павловна Черосова, оскуола директора Александр Петрович Тимофеев, Лия ВалерьевнаДавыдова – элбэх оҕолоох Тимофей Давыдов кийиитэ, администрация специалиһа Алина Михайлова, оһуокай түмсүүтүн салайааччыта, “Дьиэрэй ырыа” култуура киинин специалиһа, Тимофей Давыдов кыра уола Ньургун Давыдов, тэрээһини иилээн саҕалаан ыытта СӨ култууратын туйгуна “Дьиэрэй ырыа” култуура киинин художественнай салайааччыта, Тимофей Давыдов олоҕун аргыһа.
Тэрээһиҥҥэ кыттыбыт дьон бары оһуокайдаан көхсүлэрэ кэҥээн тарҕастылар, оһуокай кыттыылаахтарыгар Тимофей Давыдовка анаммыт статуэткаларын, махтал суруктарын туттардылар.
Ааптар: Лидия Харитонова
