16 От ыйа 16.07
  • 16°
  • $ 87,81
  • 95,78

Түүҥҥүн мусуойга атаар

16:14, 14 мая 2018
Текст:
Читайте нас на
Яндекс Новости
ЯДВ

2018 сыл ыам ыйын 19 күнүгэр 19.00-тан 23.00 диэри СӨ национальнай ойуулуур-дьүһүннүүр мусуойа “Мусуой түүнэ – 2018” аахсыйаны ыытар.

Тиэтэйиҥ! Тиэтэйиҥ Тиэтэйиҥ! Аахсыйаҕа кыттааччылар ортолоругар киирии билиэтинэн сүүйүү оонньонор. Сүрүн бириис – мусуой бочуоттаах меценаттара Анна Даниловна уонна Михаил Петрович Чиряевтартан IPhone күүтэр.

Бу түүн эһиги мусуойга харалла сытар болотуналары көрүөххүт. Сорох шедеврдэр көрдөрүүгэ аан бастаан туруоруллаллар.

Мусуойга кэлбиттэргэ:

— Голландия улуу худуоһунньуга, сырдык уонна күлүк маастара Рембрандт Харменсаван Рейн офортара.

— 17 үйэҕэ толоруллубут “Авраам сиэртибэ биэриитэ” живопись венецианскай оскуолатын хартыыната туруоҕа.

— 1812 сыллааҕы Аҕа дойду сэриитин дьоруойдарын мэтириэттэрин суруйа, Арассыыйаҕа император Александр I ыҥырыытынан кэлбит Англия худуоһунньуга Джордж Доу “Байыаннай мэтириэтин” кистэлэҥэ арыллыаҕа.

— Худуоһунньук-живописец Амвросий Васильевич Поляков “Впручение декрета об образовании ЯАССР” айымньытыгар ойууламмыт историческай түгэн кистэлэҥэ.

— Саха суруйааччыта Павел Григорьевич Вешников – Баал Хабырыыс кэргэнэ уонна муузата Ольга Степановна Скубченко дьикти дьылҕата.

Эһиэхэ анаан артыыстар кыттыахтара. Хореограф-балетмейстр Галина Докторова “Кадриль” үҥкүүгэ маастар-кылаас биэриэҕэ.

Үгэс буолбут саха Арбатыгар мэтириэккитин уруһуйдатыаххытын сөп. Арт-кафе, Арт-салон үлэлиэхтэрэ.


Киириитэ – 500 солкуобай (биэнсийэлээхтэргэ, устудьуоннарга, элбэх оҕолоохторго — 300 солк., саастарын ситэ илик оҕолор — 200 солк., төрөппүттэрин кытта кэлбит 7 диэри саастаах оҕолор босхо киирэллэр).

Төл: 33-52-79, каасса: 33-52-80

Следите за самым важным и интересным в Telegram-канале и WhatsApp-группе ЯСИА