Саха сиригэр СВО кыттыылаахтарыгар диспансеризация саҕаланна. Хас субуота аайы ханнык баҕарар бастакы звено медицина тэрилтэтигэр ааһыахха сөп.
Доруобуйа харыстабылын министиэристибэтин медицина көмөтүн тэрийии департаменын кылаабынай исписэлииһэ Анастасия Эверстова эппитинэн, Саха сирин быраастара Россия саҥа территорияларыгар үлэлииллэр. Ол туһунан ЯСИА суруйда.
Кини кэпсээбитинэн, быраастар оһолломмут пациеннары амбулаторнай көрүү оҥороллор. «Барыта 353 пациент, ол иһигэр 31 – СВО кыттыылааҕа. Экстреннай ыарыһахтар баалларынан суукканы эргиччи үлэлиибит. Балыыһа ирдэбилинэн быраастар састааптара уларыйар», — диэтэ Анастасия Эверстова.
«Билигин 1613 СВО кыттыылааҕар медицина көмөтө оҥоһулунна. Кинилэртэн реабилитацияны 189 киһи ааста. Психотерапевтическай уонна психиатрическай медицина көмөтө 389 анал дьаһал кыттыылааҕар оҥоһулунна», — диэтэ кини.
