«Суут, ИП сокуоннайа суох ылбыт 17 984 945 солк кээмэйдээх дохуотун, федеральнайдааҕы бюджет дохуотугар төлөтөр быһаарыы ылла», — суут иһитиннэриитигэр суруллар.
Нолуок уоргана быһаарбытынан, полиграфическай өҥөнү оҥорор индивидуальнай предприниматель 2022 сыл ахсынньы 1 күнүттэн 2023 сыл тохсунньу 14 күнүгэр диэри бириис түҥэтэбин диэн сокуоннайа суох лотереяны ыытта. Лотерея билиэтэ талисман атыыластахха бэриллибит. Ити эрээри тэрийээччигэ РФ бырабыыталыстыбатыттан маннык тэрээһини ыытан эрэригэр көҥүлэ суоҕа.
Саха сирин арбитражнай суута 2023 сыл от ыйын 6 күнүгэр предприниматели административнай эппиэтинэскэ тардар. Төрдүс арбитражнай апелляционнай суут уурааҕынан быһаарыы уларыйыыта суох хаалар. Эппиэттээччи суут бастакы инстанциятын быһаарыытын кытта сөбүлэспэт уонна апелляция бэрээдэгинэн туһанар.
Саха сирин Үрдүкү суутун гражданнар дьыалаларыгар суут кэллиэгийэтэ дьыала матырыйаалын көрөн баран, суут ааҕын көтүрэр эбэтэр уларытар төрүөтү булбата. Быһаарыы сокуоннай күүһүгэр киирдэ.
