17 Тохсунньу 17.01
  • -48°
  • $ 73,82
  • 83,32

Солкуобай түһүүтэ: Дьокуускай бааннара валютаны төһөлүү атыылыылларый уонна ону атыылаһар хайдаҕый?

18:35, 12 апреля 2018
Текст:

Муус устар 9 күнүгэр евро уонна доллар кууруһа АХШ саҥа хаарчахтааһыннарын туһунан испииһэги таһаарбытын кэннэ, улаатан барбыта. СИА ханнык бааҥҥа бүгүн куурус төһөтүн уонна солкуобайы долларга уонна евроҕа уларытар сөбүн уонна сыыһатын туоһуласта.

Бүгүн Россия баана евро кууруһун 79.28 солкуобайынан олохтоото. Доллар Киин баан кууруһунан – 64,06 солкуобай. Онон муус устар 6 күнүттэн доллар 6 солкуобайынан, евро 8,5 солкуобайынан ыараата.

Санатан эттэххэ, АХШ Үбүн министиэристибэтин “хара испииһэгэр” 38 бизнесмен 15 хампаанньата киирдэ, итилэр ортолоругар Олег Дерипаска, Сергей Фурсенко, Алексей Миллер уо.д.а бааллар.

Муус устар 12 күнүгэр Дьокуускайга валютаны атыылааһын табыгастаах кууруһун Азиатскай-Тихоокеанскай баан олохтоото – доллар 62,78 солкуобай, евро 77,66 солкуобай. Атыылыырга Сбербаан табыгастаах – доллар иһин 63,50 уонна евро иһин 78,70. Саамай ыараханнык Газпромбаан атыылыыр – туһааннааҕынан 66,10 уонна 81,80.

Үп миниистирэ Валерий Жондоров сүрүннээн куурус үгүс чахчылартан тутулуктааҕын бэлиэтээтэ. “Дойду экэниэмикэтэ балачча туруктаах уонна эбии хаарчахтааһыннар киирбэтэхтэринэ, күүстээх уларыйыылары кэтэспэппин”, — диэтэ кини СИА-ҕа комментарийыгар.

Ити эрээри бааннарга уочарат суох, Саха сирин олохтоохторо ыараан эрэр валютаны уларыта күргүөмүнэн сүүрбэтилэр. Бааннар биһиэхэ иһитиннэрбиттэринэн, атастаһар сирдэргэ доллар уонна евро толору.

Артемий Грошев, СИА

0
0
17 января 17.01
  • -48°
  • $ 73,82
  • 83,32