21 От ыйа 21.07
  • 16°
  • $ 88,02
  • 96,04

Сокуону кэһэн туран баламаттык бултааччылары "тутуу" саҕаланна

11:45, 15 сентября 2016
Читайте нас на
Яндекс Новости
ЯДВ

Баар сокуоннары баламаттык кэһэн туран бултуур дьону хайдах туталларын туһунан айылҕа харыстабылын министиэристибэтин үлэһиттэрэ СИА-ҕа кэпсээтилэр.


«Фараны туттан бултааһыны тутар уонна ону дакаастыыр уустук», — диир Госохотохрана дириэктэрин солбуйааччы Иннокентий Семенов.

Кини этэринэн, Саха сирин киин улуустарыгар 50 сыл аннаара өттүгэр туртаһы, тайаҕы ууһатыы баара, инньэ гынан бу кыыллары ойуурга үгүстүк көрүөххэ сөбө. Оттон билигин кыыл ахсаана аҕыйыы турар. Оттон кинилэри кыргар кыах үксүү турар.

«Маннык булка элбэх буолан бөлөҕүнэн тахсаллар. Күүстээх, улахан кыамталаах массыыналарыгар ыраахха диэри умайар уоту туруораллар. Самолетунан көтө сылдьан бултааһын кытта баара. Бу дьону туттахха, бэл маннык дииллэр: «Биһиги манна сүгэбитин сүтэрдибит». Ити кэнниттэн кинилэр фаранан бултаабыттарын дакаастыыр уустук», — дииллэр инспектордар.

«Биирдэ маннык түбэлтэ буолла. Айаннаан иһэн суолга туртас тириитэ сытарыгар түбэстибит. Этин ылан астаан, иһиккэ угуталаан бэлэмнээбиттэр. Тутуллан да баран сокуону кэһэн бултаабыттар буруй оҥоһуллубутун дакаастааҥ дэһэллэр. Ол иһин барытын видеоҕа уста сатыыбыт», — дииллэр кинилэр.

Айылҕа харыстабылын үлэһиттэрэ сулууспаларыгар сылдьан олохторо да быстар. «Коллегабыт балаакка иһигэр, ыта таһырдьа сыппыт. Фара уотугар ыт хараҕын көрөннөр, куобах дии санааннар ытыалаабыттар. Ити түмүгэр инспектор өлбүтэ», — дэһэллэр кинилэр.

«Урукку өттүгэр ОМОН үлэһиттэрин кытта рейдэлэргэ сылдьар буоллахпытына, билигин полицияҕа үлэһит тиийбэт. Араас үрдүк сололоохтор да түбэһээччилэр», — диир Анатолий Попов.

Кинилэр сокуону кэһэн туран бултааччылары туталлар эрэ буолбатах, ойуур кыылын-сүөлүн аһаталлар, көрөллөр-харайаллар.

Следите за самым важным и интересным в Telegram-канале и WhatsApp-группе ЯСИА