24 От ыйа 24.07
  • 16°
  • $ 87,3
  • 95,46

Сатамматах сенсация: Суруналыыс динозаврга майгынныыр мумияны холодильнигар харайан сытыарар

10:20, 06 декабря 2016
Читайте нас на
Яндекс Новости
ЯДВ

Мииринэй оройуонун Удачнай бөһүөлэгин алмаастаах кумаҕар хараллан сыппыт динозаврга майгынныыр кыыл өлүгүн быйыл атырдьах ыйыгар булбуттара. Көстүбүт сэдэх кыылга ким да наадыйбатаҕынан, «Алмаастаах кыраай» телерадиокомпания редактора дьиэтигэр ылан холодильнигар уура сытыарар.


«Ханна гыныахха сөп этэй? Тутааччыларга мумия наадата суох, ол иһин ылан быраҕан кээспиттэр этэ. Мин «Мерзлотоведение» научнай-чинчийэр киин учуонайдарын кытта сибээстэспитим, хаартыскатын ыыппытым. Онуоха кинилэр «Баҕар, киис буолуо» диэн хардарбыттара. Оннук да буоллаҕына, былыргы булумньу хайаатар да бэлиэтэниэхтээх», — диир «Алмаастаах кыраай» телерадиокомпания эппиэттээх эрэдээктэрэ Ирина Балкова.

Саха сирин учуонайдара мумияны сөмөлүөтүнэн Дьокуускайга ыытарга эппиттэр.

«Пассажирдарга бу өлүгү илдьэ барыҥ диэхтээх этим дуо? Маныаха туспа контейнер, кураанах муус, Роспотребнадзор көҥүлэ наада», — диир кини.

Динозаврга майгынныыр кыылы «Удачный» руднигар ханаабаны хаһа сылдьан булбуттара. Кыыл өлүгүн сиргэ булбуттара, аҕыйах күн иннинэ 170 мм тэҥнээх сымыыттар көстүбүттэр.

«Учуонайдар киис диир буоллахтарына, бу сымыыттар хантан баар буоллулар?», — диир Балкова.

Кини учуонайдар кыылы болҕомтолоругар ылалларыгар, кыыл төһө саастааҕан быһааралларыгар эрэнэр.

Следите за самым важным и интересным в Telegram-канале и WhatsApp-группе ЯСИА