21 Тохсунньу 21.01
  • -48°
  • $ 73,82
  • 83,32

"Сайсары" бааһынай ырыынагын кэҥэтэр сорук турар

Бу күннэргэ Владивосток куоракка ыытылла турар Илиҥҥи иккис экономическэй форумҥа Саха сиринээҕи тыа хаһаайыстыбатын министиэристибэтэ «Сайсары» бааһынай ырыынагын иккис уочаратын тутуу инвестиционнай бырайыагын киллэрдэ. Түөрт этээстээх саҥа комплекс атыыланар бородууксуйа көрүҥүн элбэтиигэ, дьаарбаҥканы, быыстапканы ыытыыга табыгастаах буолуоҕа.


Эбийиэк уопсай иэнэ 11 тыһ. кв м иэннээх буолуоҕа. Тутууга 711,7 мөл.солк. наада.

Билиҥҥи «Сайсары» ырыынакка бородууксуйаны тутар, астыыр, хаалыыр, атыыга тахсыан иннинээҕи бэлэмнээһини оҥорор сыахтар баар буолуохтара. Кууһунан атыылааһын систиэмэтэ үөскэтиллиэҕэ, онно электроннай атыы, фьючерснай хантараактар курдук аныгы технологиялар туттуллуохтара. Комплекс иккис этээһигэр быыстапкалары, дьаарбаҥкалары ыытар саалалар тутуллуохтара.

Ону таһынан маҕаһыыннар, киоскалар, аралдьытар киинэр уонна ресторан үлэлиэхтэрэ.

«Бааһынай ырыынагын иккис уочарата судаарыстабы уонна чааһынай хардарыта бииргэ үлэлээһин усулуобуйатыгар тутуллар. Тутуу тыа хаһаайыстыбатын бородууксуйатын атыылаһааччыга да, атыылааччыга да сөптөөх сыананан батарарга кыаҕы үөскэтэр. Ону таһынан үлэ саҥа миэстэлэрэ аһыллыахтара, атыы атын формалара олоххо киириэхтэрэ», — диэн биэдэмистибэ пресс-сулууспатын иһитиннэриитигэр этиллэр.

сайсары1

0
0
21 января 21.01
  • -48°
  • $ 73,82
  • 83,32