Москубаҕа сахалыы тылынан библия тиэрминнэрин быһаарыылаах тылдьытын презентацията буолла. Бу Россия олохсуйан олорор норуот тылынан бэчээттэммит бастакы тылдьыт буолар. Саха епархията 155 сылыгар ананна.
“Саха тылыгар библия терминин тылдьыта история кэрчик кэмнэрин кытта тэҥҥэ тутуллар, ол курдук Ытык Суруйууну саха тылыгар тылбаастааһын, төрөөбүт тылбытыгар бастакы литургия курдук событиелары кытта биир кэккэҕэ туруон сөп», — диэн тоһоҕолоон бэлиэтээтэ Саха сирин баһылыга Айсен Николаев.
377 ыстатыйалаах тылдьыт Саха епархиятын тылбаас отделын, Библияны тылбаастыыр Институт исписэлиистэрин уонна гуманитарнай чинчийии институтун учуонайдарын уонна СӨ аҕыйах ахсааннаах хотугу норуоттар проблемаларын өр сылларга үлэлээбитин түмүгэ буолла. Бэчээт научнай рецензияттан ааста уонна «Саха Өрөспүүбүлүкэтин судаарыстыбаннай уонна официальнай тылларын харыстааһын уонна сайыннарыы» өрөспүүбүлүкэтээҕи бырагыраама чэрчитинэн өрөспүүбүлүкэ культураҕа уонна духуобунай сайдыыга министиэристибэтин өйөбүлүнэн тэрилиннэ.
Бэчээт электроннай, кинигэ уонна аудио версияларга бэлэмнэннэ.
